Joseba Sarrionaindiaren bisita

Aurten, Joseba Sarrionandia idazle aparta izan dugu Gabriel Aresti Institutuan.

Etorri handikoa, asko ibilia eta asko idatzitakoa da Joseba. Baina  gure ikasleei gehien gustatu zaizkie Sarriren anekdotak eta bizipenak.  

Aurten Joseba Sarrionandiaren Munduari bira eman zion ontzia eta Munduko zazpi herrialdeetako ipuinak  irakurri ditugu.

Ikasleek galderak egin dizkiote Sarriri baina asko izan dira bizitzari buruzkoak. Josebak galdera guztiak erantzun ditu zuzen eta argi, saihesbidea hartu barik.

Bertaratu garen guztiok, irakasleak ez ezik ikasleak ere, gustura sentitu gara. Bikaina hitzaldia. Azken urteetan izan dugun hitzaldirik interesgarriena, zalantzarik gabe!

 

Aurrematrikula DBH 2024-2025

 

 

Orientazio azoka institutuan

Otsailaren 7an, institutuan, orientazio azoka bat antolatu dugu DBH 4. mailako zein Batxilergoko 1. eta 2. mailako ikasleentzat. Beraien prestakuntza eta lanbide aukeraketan laguntzeko asmoz, institutura lanbide desberdinen profesional batzuk eta unibertsitate eta lanbide heziketako ikasleak etorri dira, euren bizipenak, esperientziak eta gomendioak ikasleekin partekatzera. Oso arrakastatsua izan da.

Eskerrik asko, etorri zareten guztioi!

 

Bergarako Laboratorium-era bisita

Gabriel Arestiko 4. DBHko Biologia-Geologiako ikasleak eta 2. batxilergo orokorrekoak Bergarako Laboratorium museora joan dira. Bertan, zelula transgenikoak sortu ahal izan dituzte eta taula periodikoaren azalpenak jaso dituzte. Egun ederra izan da!

 

Batx 1. mailako ikasleak Udaleko laborategira

Pasa den ostiralean, urtarrilak 26, 1. Bachilergoko Biologia-Geologia irakasgaiko ikasleak joan ziren Bilboko Udalaren elikagaien, uren eta ingurumenaren analisirako laborategia ikustera. Bertan, tailer pare bat egin zuten eta, gidari baten azalpenekin, laborategia ikusi ahal izan zuten.

 

 

Kimika bizirik!

Batxilergo 2. mailako Kimikako ikasleak Kimika Bizirik tailerretara Leioako kanpusera joan ginen Zientzia eta Teknologiako Fakultatean. Esperientzia bikaina izan dA, ikasleek laborategiko ikerketak egin dituzt eta klasean ikasitakoa praktikan jarri.

Bilboko liburudendetan murgilduta

 

 

Euskararen eguna

Urtero bezala, Euskararen Eguna ospatu dugu Gabriel Aresti Institutuan. Goizean zehar zenbait ekitaldi izan ditugu. Institutuko ikasle guztiek hartu dute parte, batzuk Areto Nagusiko Mintzodromoan aritu dira puri-purian dauden gaiei buruz, beste batzuk, gazteenak, Herri Kiroletan aritu dira  pabiloian eta azkenean ikasle guztiek hartu dute parte Euskal dantzetan. Aurten aukeratu diren dantzak Pitx-Alunelul, Txulalai eta Txapelua izan dira.

 

 

Azaroak 25

Urtero bezala, azaroaren 25, Emakumeen aurkako indarkeria desagerrarazteko nazioarteko eguna ospatu dugu institutua. Institutuko Mandraka talde feministak Azaroak 25a aldarrikatzeko ekintza desberdinak egin ditu.


 

DBH 4Cko ikasleak "Zero Zona-2030 Alerta" hitzaldian

4Cko ikasleek "Zero Zona-2030 Alerta" hitzaldietan parte hartu zuten Bilboko Itsas Museoan beste ikastetxeetako ikasleekin batera (Ibaizabal, Berriotxoa). Han hainbat aktibista gazteek beraien esperientziei buruz hitz egin zuten: "Zaporeak Elkartea", "Climabar", "Naizen Elkartea" eta Justizia Klimatikoaren aldeko aktibista batek.

 

DBH 1. mailako ikasleak Sukarrietan

 

Gabriel Arestiren eguna 2023

Urriaren 27an, Gabriel Aresti eguna ospatu genuen. Areto Nagusian 4. DBH eta 1. Batxilergoko ikasleek idazlearen bertso batzuk errezitatu dituzte, pianoa, txalaparta eta ukeleleren musikaren laguntzaz.

 

DBH 2. mailako ikasleak La Arboledako aterpetxera

Iaz bezala, urriaren 25etik 27ra DBH 2. mailako ikasleak Zugaztietan eudagoen aterpetxeko barnetegira institutuko DBH 2. mailako ikasleak joan dira, euskararen erabilera sustatzera jarduera desberdinen bidez: multiabentura, txangoak, interpretazio zentroa, tailerrak...
Esperientzia bikaina guztiontzat!!!
 

 

Agenda 2030

  

Aurreko urteetan egin den moduan, Agenda 30ko proiektuan, 11. GIHko "Hiri eta komunitate jasangarriak" hurrengo sentsibilizazio ekintzak egin dira:

  • Gabriel Arestiko barazki merkatua egin zen urriak 6an, non institutuko baratzako baratxuriak, tipulak, azak, kalabazak... saldu ziren.
  • Urriaren 11n hamarretako osasungarri bat eskaini egin zieten ikasleei fruta desberdinak erabiliz (meloiak, madariak, sagarrak...).

Itsas museora bisita

Bigarren sektorea eta Bilboko garapenarekin lotuta dagoen arrantza eta itsas-enpresen ezagupena izateko, Itsas Museora bisita bat egin dugu.

 

Hedatze 2023-2024

 

2023-2024 ikasturtearen hasiera

 

DBH 4. mailako graduazioa

Joan den ostiralean, DBH 4. mailako ikasleen graduazioa ospatu genuen institutuko areto nagusian. Batzuk agur esan zuten, datorren ikasturtean bide berri bat egingo dutelako gure ikastetxetik kanpo; beste batzuk, aldiz, hurrengo ikasturterarte esan zuten.

Zorionak guztiei!

 

Institutuko proiektu solidarioa Deia egunkarian

Gure institutuko proiektu solidarioa Deia egunkarian.

 

Txitoak jaiotzear daude

STEAM proiektuaren barruan, Biologia-Geologia irakasgaian arrautza ernaldunak jarri ditugu inkubagailuan. Jaiotzarako itxarondenbora iristear dagoenez, une zirraragarri hori zaintzeko, webcam bat jarri dugu kontrolatu ahal izateko.

 

Arropa bilketa institutuan

DBHko 3. mailako ikasleek ARROPA BILKETA kanpaina bat antolatu dugu. Ekintza hau Pentsamendu Kritikoa eta Autonomoa irakasgaian kokatzen da eta abian egongo da ekainaren 1etik 18ra arte. Gure kanpainaren eslogana “Bizitza berria, irribarre berria” da.

Kanpaina honen helburua arropa berrerabiltzen ikastea da, horri beste aukera bat emateko, eta Koopera elkarteari ematea. Elkarte horrek arropa hori berrerabiliko du, bizitza berria emanez, eta bazterketa-arriskuan dauden pertsonei lana emanez.

Bilketa horren bidez, ingurumena hobeto zaintzen eta gizartea kontzientziatzen ikasi nahi dugu, marka iraunkorren aldeko apustua egin dezan edo hainbeste arropa berri kontsumitu ez dezan; izan ere, horrek beste herrialde batzuetako pertsonen esplotazioarekin eta ingurumenaren kutsadurarekin ere laguntzen du. Aldi berean, hurrengo abileziak garatuko ditugu: erantzunkizuna, sormena, ekintzailetza edo lantaldean lan egitea.

Arropa bilketa hiru lekutan egingo da: Gabriel Aresti Institutuan, Otxarkoagako Jubilatuen Etxean eta Ibarsusiko udal futbol zelaian (azken hori ekainaren 17 eta 18an bakarrik izango da, egun horietan egingo den txapelketa bat aprobetxatuz).

Eskerrik asko zuen ekarpenagatik, eta espero dugu gure kanpaina, arropa biltzearekin batera, oso arrakastatsua izatea.

 

Bermeora txangoa

DBH 3. Cko ikasleak Bermeora joan gara, herria disfrutatzera eta Arrantzaleen museoa ezagutzera. Egun ederra izan da.

 

Batxilergo 2. mailako graduazioa

Joan den ostiralean, Batxilergoko 2. mailako ikasleen graduazioa ospatu genuen institutuko areto nagusian. Ekintza parte-hartzaileaz eta giroan murgildutako emozio ugariz gozatu ahal izan genuen. Zorionak ikasle guztiei, bide berri bati ekin baitiote institututik urrun!

 

Maiatzak 17. LGTBI-fobiaren aurkako eguna

 

"Egin & Ekin" programan sarituak

Gabriel Aresti institutuko Batxilergo 2. mailako ikasleek Bizkaiko Foru Aldundiak antolatutako "Egin eta ekin" programan, Batxilergo modalitatean, bigarren saria lortu dute. Programa horrek, berrikuntza eta kultura ekintzailea bultzatzen du, eta gure ikasleek, ikasturte osoan landutako "Green blind" proiektua aurkeztu zuten. 80 proiektuen artean, beraiena saritua izan da. Zorionik beroenak Eduard Tiganescu, Galder de la Fuente eta Aimar López!

 

Jon Arretxe gure institutuan

Ebaluazio honetan 2.DBH-koek "Beti Iparralderantz" liburua irakurri dute, eta gaur izan dute Jon Arretxe idazlea ezagutzeko aukera. Bere hitzaldia eta gero solasaldirako momentua ailegatu da liburuen sinaketarekin amaitzeko.

Euskalduna Jauregira

Maiatzaren 4an DBH 3. mailako ikasle guztiak, musika irakasleak antolatua, Euskalduna Jauregia ezagutzera joan ziren.

 

Euskalduna Jauregira

Maiatzaren 4an DBH 3. mailako ikasle guztiak, musika irakasleak antolatua, Euskalduna Jauregia ezagutzera joan ziren.

 

El Pobal eta La Encartadara txangoa

Apirilaren 26an DBH 3. mailako ikasleak El Pobal burdinolara eta ondoren La Encartada fabrika-museora joan ziren.

 

Gernikara txangoa

Apirilaren 24an 3.mailako ikasleek Gernikara joan gara. Gernikako bonbardaketaren 86.urteurrena izateaz gain, bertako Merkatua eta eskultura desberdinak ezagutzera: Iparragirre, Emakume Baserritarra, Chillidaren "Gure Aitaren etxea", Henry Moor-en eskultura...
Gernikako bonbardaketaren eguneko argazkiak ere ikusi ahal izan ditugu Udaletxe aurrean, benetan irudi hunkigarriak!
Oso irteera polita izan da. Asko ikasteaz gain, oso ondo pasatu dugu!

 

 

 

Aurrematrikula Batxilergoa 2023

 

Euskararen Astea 2023

Urtero bezala, aurten ere Euskararen Astea ospatu dugu. Hau da izan dugun egitaraua:

 

Münster-ekin elkartrukea

Aurten ere, Alemaniako Münster hiriko ikastetxe batekin elkartrukea egiten ari gara. Aste honetan beraiek Bilbora etorri dira, eta laster gure ikasleak Alemaniara joango dira.

Betiko moduan esperientzia itzela bi ikastetxeetako ikasleentzat.

 

Ikasturte amaierako egutegia

Hau da maiatza eta ekaineko egutegia (azterketak, klaseak, ebaluazioak...):

Martxoak 8. Emakumeak gora!

Urtero bezala, aurten ere institutuan Martxoak 8 eguna, Emakumeen Nazioarteko Eguna, ospatu dugu.

 

Ikasleen bideoen bikoizketa

Azken asteetan landutako proiektuen artean, 4.mailako ikasleek marrazki bizidunen bikoizketa lanak egin dituzte.
Ahots eta edizio lanetan bikainak dira gazteak!

Logela Konpartitu Haragijalea ala beganoa? Panpin dekapitatua Colacaoa ala Nesquik, zein da hobea?
Futbol-gatazka Bodyren mundua Mozart ala Beethoven  

 

Otxarkoagako Familia Elkartera bisita

Ebaluazio honetan, Pentsamendu Kritiko eta Autonomoa ikasgaian auzoaren memoria historikoa eta estereotipoak landu ditugu. Ebaluazioari amaiera emateko, azken ekintza bezala, atzo Otxarkoagako Familia Elkartekoei bisita bat egin genion, eta ikasleek elkarrizketatu dituzte elkarte honetan urte luzez kide/presidente izandako Pablo eta Basilio. Hauek haien txikitako bizipenak eta elkartearen hainbat borrokak auzoa hobetzeko (etxebizitza, osasungintza...) azaldu dizkiete.

Oso esperientzia polita izan da guztientzat. Eskerrik asko zuen harreragatik!

 

Inauteriak 2023

Gabriel Aresti institutuan Inauteriak ere ospatzen ditugu. Aurten "zirkua" gaia aukeratu dugu.

 

Agate Deuna 2023

 

 

Aurrematrikula DBH 2023-2024

 

Ikasleak Gorbeiara

DBH 3. mailako ikasleak Gorbeiara joan dira. 

 

Hedatze egutegia

2. hiruhilabete honetako egutegia hau da:

 

Gabon zoriontsuak!

Gabonetako lehiaketan irabazi duten postalak

 

Durangoko azoka

Aurten, Durangoko liburu eta disko azokara joateko aukera izan dugu. Bi urtez joan barik egonostean, batxilergoko 1. mailako ikasleak pozarren joan dira, irteerak azken bi urteotan murriztu egin baitira.

Azoka zabaldu den egunean egon gara, ikaslez lepo, eta giro ezin hobean. Zenbait ikastetxetako gazteak elkarrekin egoteko eta nobedadeen berri izateko egun aproposa.

Gustuko liburu edo diskoa erosteko aukera bikaina!

 

 

Ikasle ohiak euren esperientziak partekatzen

Gaur Gabriel Aresti institutuan bisita berezi bat eduki dugu. Hainbat ikasle ohi etorri dira ikastetxera batxilergo bigarren mailako ikasleekin orientazio hitzaldi batetan parte hartzera. Ikasle ohi hauek beren bizipenak, aholkuak, bakoitzak egindako ikasketa-ibilbidea... azaldu dizkiete batxilergoko ikasleei.
Eskerrik asko Lierni, Iker, Gontzal, Oier eta Aneri!!
 

Euskaraldian dantzan

Euskaraldia ospatzeko egin dugun dantza.

 

Azaroak 25 egunaren ospakizuna

Urtero bezala, azaroaren 25, Emakumeen aurkako indarkeria desagerrarazteko nazioarteko eguna ospatu dugu institutuan. Bat egin dugu egun honetako aldarrikapenarekin, eta guztiok aho batez adierazi dugu "Zer ez duzu ulertu nahi? Soilik bai da baietz", kanpaina honetako leloa, jarduera ezberdin batzuen bidez.

 

Mikel Markez abeslaria institutuan

Azaroaren 23an "Musikariak ikastetxeetan" programaren bitartez Mikel Markez musikaria etorri zaigu ikastetxera 3.mailako ikasleekin hitzaldia egitera. Musikariak euskaraz grabatutako lehen abestietatik hasi eta hamarkadaz hamarkada gaur egun arte sortu den euskal musikaren errepaso ederra egin digu. Horrez gain, bere sormen prozesuak partekatuko ditu ikasleekin. Kantak zelan sortzen dituen azaldu digu eta baita zuzenean jo ere. 

 

Euskaraldia

Azaroaren 18tik abenduaren 2ra euskaraldia gure artean egongo da.

Euskara ulertzen duten hiztunen arteko ahozko hizkuntza-ohiturak aldatzeko ariketa sozial masibo honetan institutuak parte hartuko du eta hainbat ekintza antolatu ditu, belarriprestok eta ahobiziok aukera berriak izan ditzagun lan egingo dugu elkarrekin.

Ariguneko txokoak martxan jarri ditugu, euskaraz mintzamena ikasleekin sustatzeko. Atsedenaldietan, borondatez, ikasle eta irakasle bolondresek parte hartuko dute, gai desberdinetaz solasaldian egoteko.

 

 

Eskola Kontseilurako (OOG) hauteskundeen emaitzak

Eskola Kontseilurako (OOG) egindako sektore guztietako bozketen behin-betiko emaitzen zerrenda argitaratzen dugu.

 

Berbagunea

Covid 19 dela eta, bi urtetan ez da Berbagunea egin. Aurten egin da IX. Berbagunea, eta Gabriel Aresti BHIk parte hartu du beste ikastetxe askorekin batera. Azkuna Zentroan egin da ekitaldia eta guri egokitutako saioan Bilboko Udaleko politikariak eta ETBko kazetariak egon dira, besteak beste.

Ordu bateko ekitaldia izan da, hiru mintzagaitan banatuta: hasieran, piercingak, tatuajeak eta dilatazioak; gero, sare sozialak eta azkenik, itxura.

Bilboko euskaldunak euskaraz berbetan jartzeko ekitaldi aproposa. Eta aukeratutako gaiak, zalantza barik, gazteen artean pil-pilean daudenak, benetan!

 

 

OOG-ren hautagaien behin-betiko zerrenda

Ordezkaritza Organo Gorena (OOG) berritzeko hautagaien zerrenda hau da:

Irakasleak

  1. Zuriñe Andueza Valdivieso
  2. Estibaliz Aranburu Soto
  3. Aritz Argote Ledesma
  4. Ivan Barrio Díez
  5. Pilar Barriuso Pérez
  6. Itsaso Begoña Gaminde
  7. Marta Bilbao Goiriena
  8. Fausto Borde Garatea
  9. Amaia Cánovas Garatea
  10. Alberto Castañeda Pascual
  11. Mónica Elexpe Itoiz
  12. Julen Goenaga Arrieta
  13. Aritz Guarrotxena Galarza
  14. Itziar Herrero Sainz
  15. Álvaro Hilario Pérez de San Román
  16. Jon López Guimón
  17. Elisabet López Vázquez
  18. María Martín Vicente
  19. Maider Narbaiza Martín
  20. Salvador Ochoa de Eribe Gomila
  21. Izaro Ojinaga Apraiz
  22. Aitor Otsoa Herrán
  23. Txelo París López
  24. Leire Redondo Cascan
  25. Estíbaliz San Millan Iturrioz
  26. Lucía Santos Blanco
  27. Pedro Sota Sota
  28. Nekane Urdiain Borrallo
  29. Xabier Urtiaga Ortuoste
  30. Joseba Zabala Uriarte

Hezkuntza-arreta osagarriko langilegoa

  1. Arantza Mendia

Gurasoak

  1. Cristina Salazar Leloup
  2. Aitziber Munelo Ruiz
  3. Marta San Millán Corcuera
  4. Ainhoa Gomez Sanchez
  5. Maria Esther Fernandez Alvarez
  6. Maria Jasús Jorrín Fernandez
  7. Aintzane Martinez Asua
  8. Sheila Hernando Torrico
  9. Izaskun Armentia Ruiz de Gauna

Ikasleak

  1. Aketza Olveira Polancos
  2. Ane Teijeiro Rivas
  3. Iraide Rodríguez Bárcena
  4. Ainhize Funes Bilbao
  5. Markel Pardo Morato
  6. Yeray Vega García
  7. Arkaitz Rial González
  8. Andrea Menéndez Bañuelos
  9. Uxue Castresana Bergillos

 Langile ez-irakasleak

  1. Txomin Goikoetxea Txurruka

Hedatze proiektuaren egutegia

Bekak 2022-2023

Beka eskatzeko epea zabaldu da.

ESKATZEKO EPEA 2022ko uztailaren 18tik irailaren 30era

Informazio gehiago hemen.

 

2022-2023 ikasturtearen aurkezpena

Irailaren 8an 2022-2023 ikasturtea hasiko da. Maila bakoitzerako ordutegiak hauek izango dira:

Testu liburuak 2022 - 2023

 

DBH 4. mailako graduazioa

Pasa den ostiralean DBH 4. mailako ikasleen graduazio jaia izan genuen. Festa parte-hartzailea eta atsegina izan zen. Zorionak guztiei!