Aurton, ihauterien aurreko asteetan Euskal Herriko ihauterietako pertsonai ezberdinak landu eta  irudikatu dituzte DBHko maila ezberdinetako ikasleek. Besteak beste, Miel Otxin, Txatoak, Zaku zaharrak eta Momotxorroak irudikatu dituzte taldeka eta beraien lanekin erakusketa bat egin dugu ikastetxean, pertsonaia bakoitzaren irudia eta jatorria azalduz. 

Aurkeztutako lanen artean irabazleak Gela egonkorreko ikasleak izan dira beraien Zaku Zaharrarekin. Zorionak!!!"

Aurten, Euskal Herriko Unibertsitateko Ikasleentzako Argibide Zerbitzuak formatu birtualean antolatu du azoka, interesa duten pertsona guztiek beren etorkizunari buruz erabakitzeko behar duten informazioa eskuratu dezaten.

Urtarrilaren 30etik otsailaren 17ra

Konekta zaitez, UPV/EHUko graduak ezagutzeko

Gabonetako postal lehiaketaren sariak eman ditugu. Hauek izan dira irabazleak kategoria bakoitzean:

Joan den abenduaren 19an, larunbata, gure Institutuko Mandraka talde feminista Irola Irratira hurbildu zen, Ate Irekien Jardunaldiak ospatzen ari baitzen. Taldea ezagutzera emateko eta taldearen helburuaz, jarduerez eta funtzionamenduaz hitz egiteko aprobetxatu zuten zuzeneko elkarrizketa batean. Hemen entzun dezakezu:

https://irolairratia.org/2020/12/20/mandraka-talde-feminista-irola-irratian/

Aurton ere gure ikastetxeak Euskaraldiarekin bat egin du, eta ekintza hau bultzatzeko ikastetxe guztiaren partehartzearekin, Euskaraldiko abestia dantzatuz honako bideo hau grabatu dugu.

Covid 19aren protokoloak aginduta, ezin izan dugu ospatu ohikoa izan den moduan. Aurten burbuilak mantendu ditugu, ezin izan baitira nahastu ikasleak eta horrek asko baldintzatu du. 

Baina talde guztiek izan dute ekitaldiren bat, xumeagoa izan bada ere, antolaketak merezi izan du, ikasleek eskertu baitute ahalegina. 

DBHko 3. eta 4. mailakoek Aiora Mujika YOUTUBERRA izan dute 2 hitzalditan. Interesgarria Youtuberraren hitzaldia! 

DBHko 1. eta 2. mailakoek jolasak izan dituzte lau taldetan banatuta. Talde bakoitzak eginbehar bat izan du: talde batek euskal karaokea egin du, beste batek atsotitzak marraztu eta margoztu ditu, hirugarren talde batek mimoen bidez asmatu behar izan du eta laugarrenak hitz jokoen lehiaketa egin dute. Ekitaldi aberasgarria benetan!

Covid-19a dela eta, La Basu zazpi hilabete eta erdi hitzaldirik eta kantaldirik egin gabe egon ostean, gaurkoan Gabriel Aresti Institutuan egon da. Aurtengo ekitaldia Areto nagusian egin dugu distantzia mantentzeko baina urruntasunak ez du eraginik izan artistaren arrakastan. Berehala erakarri ditu entzuleak La Basuk, eta oholtzara igo denetik nabaritu zaio gogoa eta hurbiltasuna. Bikaina, beraz, gaurko ekitaldia!

Atzo, urriak 14, Bilboko alkatea buru izan zen Rafael Mikoleta sari banaketa ekitaldian, euskarazko ipuinen eskola-lehiaketa Bilboko Udalak antolatua. Bertan LH 3. mailatik 4. mailara arteko ikasleek parte hartzen dute.

Oraingo honetan Enara Peña Iturralde zoriondu behar dugu, parte hartu duten 882 ipuinetatik gure ikaslea bere kategorian saritu bat izan delako, DBHko 1. eta 2. mailakoen artean, "Carlaren ametsa" ipuinarekin .

Zorionak!!!

BELDUR BARIK 2020 lehiaketa martxan jarri da. Emakundek bultzatutako programa hau, euskal erakunde guztien laguntzarekin, 11. ediziora iritsi da, gazteen artean errespetua, berdintasuna eta indarkeria sexista prebenitzeko jarrerak sustatzeko asmoz, 12 eta 26 urte bitarteko gazteak parte hartzera animatzen ditu eta programaren jarrera ikusaraziko duten ikus-entzunezko lanak saritzen ditu.

Lehiaketan taldeka edo banaka parte har daiteke. Anima zaitez, eta parte hartu!!

Informazio gehiago hemen

Coronavirusagatik ezin dugunez "Ate irekiak" jardunaldia egin, hurrengo bideo honetan, gure institutua ezagutzera gonbidatzen zaitugu.

2020/21 IKASTURTERAKO BATXILERGOKO IKASLEAK ONARTZEKO PROZESUA

• Epeak:

  • On-line eskabidea: maiatzaren 4tik 21era

  • Eskabidea ikastetxean: maiatzaren 11tik 22ra

• Aurkeztu behar den dokumentazioa

• Izena emateko eskabide orria

• Maiz egiten diren galderak

COVID-19k eragindako osasun publikoko larrialdi-egoeraren aurrean, gaur, 2020ko martxoaren 17an, Gabriel Aresti institutuko Zuzendaritzak honako erabaki hau hartu du:

Ikastetxea itxita egongo da eta arreta publikoa era telematikoan, posta elektronikoaren bidez,  eta  telefonoaren bidez egingo da.

• * Zuzendaritzako telefonoa: 625708201
• * Idazkaritzaren telefonoa: 625708199
• * Zuzendaritzako e-maila: zuzendaritza@gabrielaresti.net
• * Idazkaritzako e-maila: 014188aa@hezkuntza.net

Ante la situación de emergencia sanitaria ocasionada por el COVID-19, la Dirección del instituto Gabriel Aresti ha adoptado a día de hoy, martes 17 de marzo de 2020, la decisión de cerrar el centro. A partir de ahora, la atención pública se realizará de forma telemática, por medio del correo electrónico, y por medio del teléfono.

• * Teléfono Dirección: 625708201
• * Teléfono Secretaría: 625708199
• * E-mail Dirección: zuzendaritza@gabrielaresti.net
• * E-mail Secretaría: 014188aa@hezkuntza.net